Olar kúsh qoldaný arqyly Talǵar qalasynyń kásipkerinen aqsha men qymbat kólikti talap etken.
Almaty oblysynyń polıseıleri adam bopsalaýshylar tobyn ustady, dep habarlaıdy Almaty-akshamy.kz.
9 qyrkúıekte Almaty oblysy PD UQQKB-ǵa belgisiz tulǵalarǵa qatysty jedel aqparat kelip tústi. Olar kúsh qoldaný arqyly Talǵar qalasynyń kásipkerinen aqsha men qymbat kólikti talap etken. Qylmystyq is kásipkerdiń aryzy negizinde Talǵar aýdanynyń PB-da QR QK-nyń 194-baby 2-bóliginiń 2-tarmaǵy (Aldyn ala sóz baılasý boıynsha adamdar toby jasaǵan bopsalaý) boıynsha tirkeldi.
"Jedel izdestirý is-sharalaryn júrgizý barysynda arnaıy bólimsheniń jaýyngerleriniń qatysýymen Almaty oblysy PD UQQKB qyzmetkerleri aqshalaı qarajat alý kezinde Almaty qalasy men Almaty oblysynyń turǵyndary – 20-23 jas aralyǵyndaǵy bes azamatty ustady. Kináli tulǵalar ustalyp, Talǵar aýdany PB ÝUO-ǵa qamaýǵa alyndy", - delingen habarlamada.
Qazirgi ýaqytta kúdiktilerdiń basqa da osyǵan uqsas qylmystarǵa qatystylyǵy tekserilip jatyr.
Qylmystyq is boıynsha tergeý barysy oblystyq departamenttiń basshylyǵymen baqylaýǵa alyndy.