Magnıt daýyly adamdarǵa túrli áser etedi.
Magnıt daýyly 26 jeltoqsan dúısenbiden 29 jeltoqsan beısenbige deıin sozylady, dep habarlaıdy Almaty-akshamy.kz
26-28-i kúnderi belsendilik joǵary, al 29 jeltoqsanda daýyl álsireıdi.
Magnıt daýyly kúntizbesi boıynsha, bir táýlik úzilisten keıin Kúnniń belsendiligi qaıtadan kúsheıedi - jeksenbi, 31 jeltoqsanda álsiz magnıt daýyly boljandy. Magnıt daýyly adamdarǵa túrli áser etedi. Aýa-raıyna sezimtal, sozylmaly aýrýlary barlar jáne qart adamdar onyń áserine sezimtal keledi.
Magnıt daýylynyń jıi kezdesetin belgileri: bas aýrýy, bas aınalý, júrek aınýy men qusý, qan qysymynyń joǵarylaýy, júrek pen býyndardyń aýyrýy, sharshaý, uıqysyzdyq.
Magnıt daýylyna qalaı daıyndalý kerek?
Magnıt daýyly qarsańynda artyq jumys istemeı, kúnine kem degende bir saǵat taza aýada bolǵan durys. Jeńil tamaq iship, temeki shegýdi, alkogóldi ishýdi shekteý kerek. Uıqyńyz jetkilikti bolsyn. Tańerteń jeńil jattyǵý jasańyz. Sozylmaly aýrýlary bar adamdar qajet dári-dármegin alyp qoıýy kerek.
Daýyldyń jaǵymsyz áserinen qalaı qorǵanýǵa bolady
Daýyldyń aǵzaǵa keri áserin azaıtý úshin qarqyndy fızıkalyq belsendilikti shekteńiz, kóbirek demalyńyz, taza aýada serýendep, jaqsy uıyqtańyz. Durys tamaqtaný qajet: balyq, kókónis, jarma, kóbirek sý.
Magnıt daýyly kezinde ne isteýge bolmaıdy?
Kofe, alkogól, temeki shegýden bas tartyńyz. Stresske berilmeńiz, janjaldy jaǵdaılardan aýlaq bolyńyz. Zeıin men nazar aýdarýdy qajet etetin jumysty qabyldamańyz. Kólik júrgizýdi shekteńiz.