Kúdiktiler qamaldy.
Almatyda marıhýananyń iri partıasy tárkilendi, dep habarlaıdy Almaty-akshamy.kz Polisia.kz-ke silteme jasap.
Tártip saqshylary Almatynyń Alataý aýdanynda túski saǵat úshter shamasynda esirtki satýmen aınalysqan adamdardy ustady. Patrúldik polıseıler 13-shi shaǵynaýdandaǵy úılerdiń birinde úıdegi adamdar esirtkiniń iri partıasyn jasyryp otyrǵany týraly sıgnaldy tekserdi.
«Bul habarǵa "Býran-033" jáne "Býran-008" ekıpajdary birinshi bolyp áreket etti. Birinshi qabattaǵy páter esigin ashty, biraq polıseılerdi ishke kirgizbeı qoıdy. Osynshama qarsylyqtyń sebebi keıin belgili boldy. Alty turǵynnyń biri yńǵaıly sátti paıdalanyp, aýzyna deıin shópke toltyrylǵan qońyr sómkeni ózimen birge alyp, balkonnyń terezesinen qashyp ketpekshi bolǵan. Alaıda bul áreketi sátsiz aıaqtaldy. Qashyp ketýi múmkin bolatynyn aldyn ala boljaǵan patrúldik polısıa qyzmetkerleri tereze aldynda tuzaq qurdy», – dedi Almaty qalalyq PD JPQB patrúldik polısıa polkiniń komandıri Baýyrjan Hantemirov.
Qaskóılerdiń esirtki saqtaǵan turǵyn úıin tekserýge Alataý aýdandyq polısıa basqarmasynyń tergeý-jedel toby jumyldyryldy. Aıtpaqshy, páterde ıis boldy: kúdiktiler esirtkini dál osy jerde qoldanǵan bolýy da múmkin.
«Júrgizilgen sot-hımıalyq saraptama sómkede marıhýana saqtalǵanyn anyqtady. Onyń salmaǵy 5 keli 312 gramdy qurady. Tergeýshiler shóptiń osy páterdiń turǵyndarynyń biri – Túrkistan oblysynyń turǵyny 27 jastaǵy D. esimdi azamatqa tıesili ekenin anyqtady. Ol buryn da esirtki qylmysy úshin sotty bolǵan. Sotqa deıingi tergeý júrip jatyr. Onyń barysynda Almatyǵa esirtki jetkizý arnasy jáne ony saqtaý maqsaty anyqtalatyn bolady», – dedi Hantemirov.