Úkimettiń jospary.
Qazaqstan Úkimeti 2025 jylǵa deıin 3 negizgi ınfraqurylymdyq jobany iske asyrýdy josparlanyp otyr, dep habarlaıdy Almaty-akshamy.kz.
«Búgingi tańda elimiz boıynsha ótetin tranzıttik júkterdiń shamamen 90% temirjol kóligimen tasymaldanady. Degenmen, áleýeti odan da zor. Osy maqsatta temirjol kóligi salasynda 2025 jylǵa deıin 3 negizgi ınfraqurylymdyq jobany iske asyrýdy josparlanyp otyr», - delingen Indýstrıa jáne ınfraqurylymdyq damý mınıstrliginiń baspasóz qyzmetiniń habaramasynda.
Solardyń birinshisi - «Dostyq-Moıynty» jobasy. Ony iske asyrý Qytaı men Eýropa arasyndaǵy tranzıttik tasymaldar kólemin arttyrady. Ýchaskeniń ótkizý qabileti 5 ese ulǵaıyp, tasymal jyldamdyǵy táýligine 1500 shaqyrymǵa deıin jetedi.
«Darbaza-Maqtaaral» jobasy Orta Azıa elderine tranzıttik qashyqtyqty qysqartyp, qoldanystaǵy ótkizý pýnkti arqyly Ózbekstanǵa aýmaǵyna shyǵýdy qamtamasyz etedi.
Úshinshi joba - «Almaty stansıasynyń aınalma temirjol jelisi». Ol Almaty torabyna túsetin júktemeni 30% azaıtyp, júkterdi jetkizý ýaqytyn 24 saǵatqa deıin qysqartady.
Osy oraıda temirjol kóligi salasynda jyljymaly quramdy jańartý boıynsha sharalar qabyldanyp jatyr. Atap aıtqanda, otandyq vagon jasaýdy qoldaý maqsatynda óz elimizde shyǵarylǵan vagondardy satyp alýǵa kredıt bergende vagon operatorlary úshin syıaqy mólsherlemesin sýbsıdıalaý túrinde memlekettik qoldaý kórsetiledi. Baǵdarlama sheńberinde shamamen 3,5 myń fıtıngtik platforma jáne 2 myńnan astam júk vagony satyp alyndy. Sondaı-aq, bıyl «Qazaqstan temir joly» 1,5 myń júk vagonyn satyp alýdy josparlap otyr.
Júk tasymaldaryn odan ári damytý maqsatynda mınıstrlik otandyq elektrovozdar (ALSTOM) men teplovozdardy (LKZ GE) satyp alǵanda syıaqy mólsherlemesin sýbsıdıalaý túrinde qoldaýdy zańnamalyq túrde engizýdi usynady.