Oǵan bes memlekettiń sharýalary qatysty.
Túrkistan oblysy Saryaǵash aýdanynda Aýyl sharýashylyǵy mınıstrliginiń uıymdastyrýymen «Etti-maı baǵytyndaǵy halyqaralyq asyl tuqymdy qoılar» kórmesi ótti, dep habarlady Almaty-akshamy.kz Túrkistan oblysynyń Óńirlik komýnıkasıalar qyzmetine silteme jasap.
Kórmege Reseı, Moldova, Ózbekstan, Tájikstan, Qyrǵyzstan elderinen kelgen 100-den asa qoı ósirýshi azamattar jáne elimizdiń 8 oblysynan kelgen sharýalar qatysty.
Shara sheńberinde etti-maıly qoı tuqymynyń «Eń aýyr salmaqty», «Eń bıigi» atalymdary boıynsha baıqaýlar ótti. Nátıjesinde 45 nomınasıa boıynsha jeńimpazdar anyqtaldy.
Sonymen qatar, QR Aýyl sharýashylyǵy mınıstrliginiń Mal sharýashylyǵy departamenti basshysy Erlan İlıasov úzdik sharýalardy «Aýyl sharýashylyǵy úzdigi», «Úzdik qoı ósirýshi sharýashylyq» jáne «Úzdik asyldandyrýshy» tósbelgilerimen marapattady.