Bir qorap temeki 300-350 teńge bolýy múmkin.
Aldaǵy jyldary aksızderdiń kóterilýine oraı temeki baǵasy ósedi. Bul týraly QR Premer-Mınıstriniń orynbasary – Qarjy mınıstri Erulan Jamaýbaev málim etti, dep habarlaıdy Almaty-akshamy.kz QazAqparatqa silteme jasap.
«2024 jylǵa deıin temekige aksız mólsherlemesin 35 eýroǵa kóterýdi josparlap otyrmyz. Iaǵnı myń dana temekige shamamen 16 myń teńge bolady. Bul rette eseptep kórsek, bir qorap temeki úshin 300-350 teńge shyǵady», - dedi Erulan Jamaýbaev.
Budan bólek ol quramynda qanty bar sýsyndarǵa qatysty Úkimet deńgeıinde talqylaý júrip jatqanyn aıtty.
«Osy oraıda talqylaýlar qorytyndysy boıynsha tıisti málimetti jarıalap, Parlamentke kelemiz. Biz úshin tıisti teńgerimdi saqtaý kerek, ıaǵnı ult densaýlyǵy basty másele bolyp sanalady. Sonymen qatar, kásiporyndar da zardap shekpeýi kerek, bul kásippen shaǵyn jáne orta bıznes aınalysady. Sondyqtan osynyń barlyǵyn egjeı-tegjeıli pysyqtaımyz», - dedi Erulan Jamaýbaev.
Budan buryn habarlanǵandaı, temeki boıynsha kelisim ratıfıkasıalanǵan jáne 2024 jylǵa qaraı myń dana temekige aksız teńgelik mánde 35 evroǵa deıin artady.