Nysandar Nur-Sultan men Almaty qalalarynda paıda bolady
QR Densaýlyq saqtaý mınıstrliginiń aqparaty boıynsha, ortalyqtar Joint Commission International halyqaralyq talaptaryn eskere otyryp, jahandyq sapa standarttaryna sáıkestendiriledi, dep habarlaıdy Almaty-akshamy.kz Qazaqtv.com saıtyna silteme jasap.
Ǵylymı-ınnovasıalyq kópsalaly klınıkalar kelesi jyldyń basynda ashylady. Elimizde jańa farmasevtıkalyq kásiporyndardyń qurylysy da josparlanǵan. Túrik ınvestorlary bul jobalardy júzege asyrýǵa 60 mln dollarǵa jýyq qarjy bólýdi kózdep otyr.
Jańa zaýyttar klınıkalyq zertteýler júrgizýge, antıbıotıkter, qabynýǵa qarsy preparattardy jáne qaterli isik aýrýlaryn emdeýge arnalǵan preparattardy shyǵarýǵa múmkindik beredi. Eske sala keteıik, salalyq vedomstvoda 2026 jylǵa qaraı qazaqstandyq naryqtaǵy otandyq farmasevtıkalyq ónimder men medısınalyq maqsattaǵy buıymdar óndirisiniń úlesin 50%-ke jetkizýdi josparlaǵan.