Aptanyń basynda Qazaqstanda jańa avtokredıt baǵdarlamasy iske qosyldy.
Qazir bul baǵdarlamaǵa respýblıkalyq búdjetten qarjy jumsalyp jatqan joq, dep habarlaıdy Almaty-akshamy.kz
«Biz qazir myna 100 mıllıardtan basqa respýblıkalyq búdjetten qosymsha aqsha bólemiz be dep otyrmyz. Bizdiń qarjylyq-ekonomıkalyq negizdememiz boıynsha 150 mıllıard bolyp tur. Ony jyl saıyn 30 mıllıardtan bólemiz degen oı bar. Biraq ol aqshany bere me, bermeı me, ázirge belgisiz», - dedi QR Indýstrıa jáne ınfraqurylymdyq damý vıse-mınıstri Marat Qarabaev.
Al qarjy mınıstri Erulan Jamaýbaev ondaı ótinimniń áli túspegenin aıtty.
«Qazir respýblıkalyq búdjetten osy baǵdarlamaǵa bir tıyn da jumsalyp jatqan joq. Barlyǵy - burynǵy Operator ROP-ta jınalǵan aqsha. Sony buryp jatyrmyz. Al respýblıkalyq búdjetten qosymsha qarjy bólý týraly ótinim túsken joq», - dedi Jamaýbaev.
Aıta keteri, osy aptanyń basynda Qazaqstanda jańa avtokredıt baǵdarlamasy iske qosyldy. Biraq burynǵy baǵdarlama boıynsha jeńildetilgen kredıtter de beriledi.