Ótken jyldyń alǵashqy úsh toqsanynda Qazaqstanda sabyn, tazalaý, jýý, parfúmerıa jáne kosmetıkalyq quraldar óndirisi 17,3 mıllıard teńgeni quraǵan. Bul kórsetkish 2022 jyldyń sáıkes kezeńimen salystyrǵanda 0,9%-ǵa ósken, dep habarlaıdy aqshamnews.kz.
Kostanaı oblysy tazalaý jáne kosmetıkalyq quraldardy eń kóp óndirgen óńir bolyp tabylady, mundaǵy óndiris kólemi 4,7 mıllıard teńgege jetip, jyldyq ósim 18,3%-dy quraǵan. Aldyńǵy bes óńirge Astana (3 mıllıard teńge), Shymkent (2,7 mıllıard teńge), Almaty (2,6 mıllıard teńge) jáne Almaty oblysy (1,2 mıllıard teńge) kiredi.
Qazaqstandyq óndirýshilerdiń otandyq naryqty qamtamasyz etý deńgeıi kóńil kónshitpeıdi. Máselen, elimizdegi tis pastalary naryǵy tolyǵymen ımportqa táýeldi. 2023 jyldyń qańtar-tamyz aılarynda Qazaqstanǵa 4 myń tonna tis pastasy men poroshoktar ákelinse, otandyq óndiris – nól. Ortalyq gıgıena quraldarynyń jalpy kólemi 4,6 myń tonna syrttan kelse, elimizde tek 17 tonna óndirilgen. Demek, bul suranystyń 0,4%-y ǵana qamtamasyz etildi degendi bildiredi.
Turmystyq tazalaý pastalary men poroshoktar boıynsha otandyq kompanıalardyń úlesi bar bolǵany 0,01 paıyzdy quraıdy. Al shampýnder men shash laktary – 2,7%, parfúmerıa men kosmetıka – 7,2%, jýý quraldary – 9,4% qamtamasyz ete alady. Tek sabyn óndirisinde suranys 29,5%-ǵa, al shash alýǵa arnalǵan quraldar, dezodoranttar jáne basqa da taýarlar boıynsha 40,5%-ǵa jabyldy. Jalpy, qazirgi jaǵdaı boıynsha bul jaǵynan kóshtiń artyna qalyp kele jatqanymyzdy jasyra almaımyz.
Sonymen joǵarydaǵy qorytyndylarǵa qarap, Qazaqstan tazalaý jáne kosmetıkalyq quraldar óndirisi áli de kenjelep, syrtqa qol jaıyp otyrǵanymyz ashshy da bolsa shyndyq. Al biz tolyǵymen óz ónimimizdi paıdalanatyn elge aınalý úshin óndirýshilerge naqty sharalar men strategıalar qajet.
Esterińizge sala keteıik, buǵan deıin elimizdegi etpen qamtamasyz máselesi tóńireginde jazǵan bolatynbyz.