Halyqaralyq qysqy sport federasıalarynyń kúntizbesine sáıkes, jyl saıyn qazannyń sońy men qarashanyń basynda qysqy sport túrlerinen ótetin jarystardyń shymyldyǵy resmı túrde túriledi.
Naýryz aıyna deıin jalǵasatyn maýsymda sportshylar 2026 jyly Italıanyń Mılan jáne Kortına-d'Ampesso qalalarynda ótetin HHV Qysqy Olımpıada oıyndaryna beriletin joldamalardy sarapqa salady. Al Azıa qurlyǵynyń memleketteri kelesi jyly Harbınde alaýy tutanatyn Azıa oıyndaryna daıyndyqtaryn pysyqtaıdy.
Nazarlaryńyzǵa qarasha aıynda ótetin qysqy sport túrlerinen jarystar kestesin usynamyz:
-
Qarashanyń alǵashqy úsh kúninde Monrealda (Kanada) short-trekten Álem kýboginiń ekinshi kezeńi ótedi. Alǵashqy kezeń de dál osy qalada uıymdastyrylǵan bolatyn.
-
31 qazan men 3 qarasha aralyǵynda Beıjińde (Qytaı) shaıbaly hokeıden áıelder arasynda, 6-9 qarashada Almatyda erler arasynda Azıa chempıonaty ótedi. Eki birinshilik te tarıhta alǵash ret uıymdastyrylyp jatqanyn aıta ketken jón.
-
12-13 qarasha – Tallınde (Estonıa) mánerlep syrǵanaýdan halyqaralyq týrnır;
-
15-17 qarasha – Hatınohada (Japonıa) kónkımen júgirýden Tórt qurlyq chempıonaty;
-
21-25 qarasha – Lıllehammerde (Norvegıa) shańǵymen tuǵyrdan sekirý boıynsha Álem kýbogi kezeńi;
-
22-24 qarasha – Naganoda (Japonıa) kónkımen júgirýden Álem kýbogi kezeńi, Qytaıda mánerlep syrǵanaýdan halyqaralyq týrnır;
-
28 qarasha – 2 jeltoqsan – Rýkada (Fınlándıa) shańǵymen tuǵyrdan sekirý boıynsha Álem kýbogi kezeńi;
-
29 qarasha – 1 jeltoqsan – Beıjińde (Qytaı) kónkımen syrǵanaýdan jáne Rýkada (Fınlándıa) shańǵy jarysynan Álem kýbogi kezeńderi;
-
27 qarasha – Rýkada (Fınlándıa) frıstaıldan Álem kýbogi kezeńi;
-
30 qarasha – 8 jeltoqsan – Kontıolahtıde (Fınlándıa) bıatlonnan Álem kýboginiń birinshi kezeńi ótedi.