Qasym-Jomart Toqaev Qaraǵandy oblysynyń ákimi Ermaǵanbet Bólekpaevqa «jylytý maýsymyna daıyndyq barysyna tıisti baqylaý jasamaǵany úshin» sógis jarıalady, dep habarlaıdy aqshamnews.kz
Aıta keteıik, Saran qalasyndaǵy jańa qazandyqpen baılanysty máseleler aımaq turǵyndaryn ǵana emes, búkil Qazaqstandy alańdatty. Qazan aıynyń ortasynda Premer-mınıstr Bektenov qatty sýyqtan zardap shekken Saran qalasyna jaýapty tulǵa retinde qala ákimine shara qoldanylatynyn málimdegen bolatyn.
Saran qalasynyń ákimi qyzmetinen bosatyldy. Keıinirek, Premer-mınıstrdiń birinshi orynbasary Roman Sklár qazandyqtyń jumysy qalpyna kelgenin habarlady.
Oblys ákimine sógis jarıalanǵany týraly Prezıdenttiń baspasóz hatshysy Berik Ýálı Facebook paraqshasynda málimdedi.