Qazaqstanda balyq sharýashylyǵy sý aıdyndaryn qaraýsyz qalǵan balyq aýlaý aýlarynan tazartýǵa, jaǵalaý aýmaqtaryn tazartýǵa jáne azamattardyń sý resýrstaryn uqypty qaraýyn qalyptastyrýǵa baǵyttalǵan jyl saıynǵy «Taza sý aıdyndary» tabıǵat qorǵaý aksıasy bastaldy, dep habarlaıdy aqshamnews.kz.
Balyq sharýashylyǵy komıteti tóraǵasynyń buıryǵyna sáıkes aksıa óńirlerdiń klımattyq erekshelikterin eskere otyryp, eki kezeńde ótedi:
- naýryzdan mamyrǵa deıin – Jetisý, Túrkistan, Qyzylorda, Mańǵystaý, Atyraý, Batys Qazaqstan, Almaty jáne Jambyl oblystarynda.
- 15 sáýirden 31 mamyrǵa deıin – Ulytaý, Aqmola, Shyǵys Qazaqstan, Qaraǵandy, Qostanaı, Aqtóbe, Pavlodar, Soltústik Qazaqstan jáne Abaı oblystarynda.
Aksıaǵa turǵylyqty jeri boıynsha tıisti balyq sharýashylyǵy ınspeksıasyna júginý arqyly kez kelgen adam qatysa alady.