2025 jyly Qazaqstanda alǵash ret taqtatas munaıyn óndirý bastalady dep kútilýde. «Qara altynǵa» degen álemdik suranystyń artýy bul jobanyń joǵary komersıalyq áleýetke ıe ekenin kórsetip otyr. Bul týraly Úkimettiń keńeıtilgen otyrysynda Premer-Mınıstr Oljas Bektenov málimdedi, dep habarlaıdy aqshamnews.kz
– «Taqtatas munaıyn óndirý elimizdiń munaı-gaz sektoryna ınvestısıalar tartý úshin qosymsha serpin beredi», – dedi Premer-Mınıstr.
Sonymen qatar, bıyl shıkizat qory shamamen 19 mlrd m³ gazdy quraıtyn «Batys Prorva» jáne «Barhannaıa» ken oryndarynda gaz óndirý jumystary bastalmaq. Bul jańa jobalar energetıkalyq sektordaǵy múmkindikterdi keńeıtip, el ekonomıkasyn ártaraptandyrýǵa yqpal etpek.
Qazaqstandaǵy taqtatas munaıyn óndirý jáne jańa gaz ken oryndaryn ıgerý bastamalary eldiń energetıkalyq áleýetin arttyryp qana qoımaı, ınvestısıalyq tartymdylyǵyn da joǵarylatady.