Qazaqstan Úkimeti búdjettik qarajatty tıimdi paıdalanýǵa jáne qarjylyq tártipti nyǵaıtýǵa baǵyttalǵan sharalar qabyldady. Osy sharalardyń nátıjesinde memlekettik apparat shyǵystary 410 mıllıard teńgege qysqartyldy, dep habarlaıdy aqshamnews.kz
Áleýmettik salany sıfrlandyrý arqyly búdjetti ıgerýde ashyqtyq qamtamasyz etilip, qarajattyń tıimdi jumsalýy baqylaýǵa alyndy. Mysaly, balabaqshalardy qarjylandyrýda aıqyndyq ornatý maqsatynda Taraz, Shymkent, Túrkistan jáne Oral qalalarynda mektepke deıingi bilim berýdiń vaýcherlik júıesi pılottyq negizde iske qosyldy. Bul joba nátıjesinde 20 mıllıard teńge únemdeldi. Jyl sońyna deıin vaýcherlik júıeni eldiń barlyq óńirinde engizý josparlanýda.
- Sonymen qatar, «Áleýmettik ámıan» arqyly ataýly memlekettik qoldaýdy kúsheıtý qolǵa alyndy. Bul qural balalardyń tamaqtanýy men muqtaj jandarǵa arnalǵan dári-dármek tólemderin qamtamasyz etýde mańyzdy ról atqarýda.
- Imıjdik is-sharalar men issapar tólemderi sıaqty aǵymdaǵy shyǵyndardy qysqartý da búdjettiń únemdelýine aıtarlyqtaı úles qosty.
Bul sharalar memleket shyǵyndaryn ońtaılandyryp, búdjettik tártipti nyǵaıtýǵa baǵyttalǵan mańyzdy qadam bolyp tabylady.