«Jolaýshylar tasymaly» AQ jolaýshylardyń qaýipsizdigin kúsheıtý maqsatynda 24 Talgo poıyzynyń vagondaryna beınebaqylaý júıesin ornatýdy tolyqtaı aıaqtady. Barlyǵy 1 350 kamera iske qosylyp, poıyz ishindegi jaǵdaı táýlik boıy úzdiksiz baqylanýda, dep habarlaıdy aqshamnews.kz
Beınebaqylaý júıesi vagondar, kireberister men shyǵaberister, ortaq paıdalanylatyn aýmaqtardy qamtıdy. Bul sharalar oqys oqıǵalardyń aldyn alýǵa, quqyqbuzýshylyqtardy boldyrmaýǵa, bıletsiz jolaýshylardy anyqtaýǵa jáne kez kelgen tótenshe jaǵdaıǵa jedel áreket etýge múmkindik beredi.
Júıeden alynǵan aqparat tek Ulttyq tasymaldaýshynyń sıtýasıalyq ortalyǵyndaǵy ýákiletti mamandarǵa ǵana qoljetimdi. Beınematerıaldar jolaýshylar shaǵymdaryn ádil ári jan-jaqty qaraý úshin qoldanylady.
Ulttyq tasymaldaýshy barlyq standartty vagondardy beınebaqylaý júıesimen jabdyqtaýdy josparlap otyr. Sonymen qatar, jolaýshylar poıyzdarynda ınternetti iske qosý arqyly naqty ýaqyt rejıminde beınebaqylaý júrgizý jáne beıneanalıtıka júıesin engizý múmkindikteri qarastyrylýda.