Qazaqstan Jazýshylar odaǵynda orys ádebıeti jáne ádebı baılanystar jónindegi keńestiń otyrysy ótti, dep habarlaıdy aqshamnews.kz
Jınalysty keńes tóraǵasy Vasılıı Shýpeıkın ashyp, kún tártibindegi máselelerdi tanystyrdy. Jıynǵa Qazaqstan Jazýshylar odaǵy Basqarma tóraǵasynyń orynbasary Qasymhan Begmanov qatysyp, janrlyq keńestiń maqsat múddesine toqtalyp, keńes músheleri qoıǵan suraqtarǵa jaýap berdi. Sondaı-aq Qazaqstan Jazýshylar odaǵynyń bıylǵy jylǵy atqaratyn jumystary jaıly tarqatyp aıtyp ótti.
Otyrys barysynda keńes músheleriniń qyzmettik mindetteri naqty bólinip, olardyń atqaratyn jumystary júıelendi. Sonymen qatar, qańtar aıynda atqarylǵan jumystar boıynsha esep berilip, talantty jastardy Qazaqstan Jazýshylar odaǵyna qabyldaý máseleleri talqylandy.
Keńes músheleri jas qalamgerlerdi qoldaý jáne olardyń shyǵarmashylyq damýyna jaǵdaı jasaý baǵytynda birlesken jumystar júrgizý týraly kelisimge keldi. Jınalysqa Keńes tóraǵasynyń orynbasarlary Valerıı Tolmachev, Svetlana Ananeva, Keńes hatshysy Lúdmıla Lazareva, sondaı-aq Keńes músheleri Erulan Qanapıanov, Saǵynkereı Baımenov, Nadejda Chernova, Karına Galaı, Anastasıa Kırılenko jáne Mıhaıl Zemskov qatysyp sóz sóıledi.