Qostanaı oblysy ákimdiginiń qarjy basqarmasy A.Baıtursynuly atyndaǵy Halyqaralyq Qostanaı áýejaıynyń 49% aksıalaryn elektrondyq saýda arqyly satýdy josparlap otyr, dep habarlaıdy aqshamnews.kz.
Áýejaıdyń ıesi bolyp tabylatyn basqarma 733,9 myń ornalastyrylǵan aksıanyń shamamen 359,6 myńyn satylymǵa shyǵardy.
Aýksıon elektrondyq tender formatynda ótedi, bastapqy baǵasy 4,7 mıllıard teńge bolyp belgilengen. Bul soma 2024 jylǵy 5 aqpanda «Nezavısımaıa ekspertnaıa osenka» JSHS-niń baǵalaýshysy anyqtaǵan 49% úlestiń baǵalaý quny retinde kórsetilgen. Áýejaıdyń jalpy naryqtyq quny 9,6 mıllıard teńgege baǵalanǵan.
A.Baıtursynuly atyndaǵy Halyqaralyq Qostanaı áýejaıy 1997 jyly tirkelgen. 2013 jyly áýejaıdyń 100% aksıasy komýnaldyq menshikten respýblıkalyq menshikke ótti, al 2014 jyly «Airport Management Group» JSHS-ne senimgerlik basqarýǵa berildi. 2018 jyly áýejaıdy satý áreketi jasalǵan, biraq ótinimderdiń bolmaýyna baılanysty saýda aıaqtalmaǵan.