Premer-Mınıstrdiń orynbasary Qanat Bozymbaev Úkimet otyrysynda sý tasqynynan zardap shekken otbasylar úshin turǵyn úı qurylysy buryn-sońdy bolmaǵan qysqa merzimde júrgizilgenin habarlady. 3,5-4 aıda úlgilik jobalar boıynsha 2 576 úı salyndy jáne qaıtalama naryqta 5767 úı men páter satyp alyndy.
«Bul jumys Atyraý, Aqtóbe, Qostanaı jáne Soltústik Qazaqstan oblystarynda tolyǵymen aıaqtaldy. Búgingi tańda Aqmola oblysynda 38 jáne Batys Qazaqstan oblysynda 28 úıdiń qurylysy aıaqtalýda. Tapsyrý merzimi – 1 qazan. BQO Syrym aýdanynda jer asty sýlarynyń kóterilýi nátıjesinde 38 saman úı jaramsyz bolyp qaldy. Bul fakt tamyz aıynyń sońynda anyqtaldy. Osyǵan baılanysty 15 qazanda turǵyndarǵa qosymsha úı salý týraly sheshim qabyldandy», — dedi Qanat Bozymbaev.
Sý tasqyny nátıjesinde Qazaqstanda azamattardyń jalǵyz baspanasy bolyp sanalatyn 17,6 myńǵa jýyq úı men saıajaı qurylystary sý astynda qaldy. Tekserý nátıjesinde 9 156 úı jóndeýge jatqyzyldy, 8 447 úı apatty dep tanyldy.