QR-da neonataldyq ólim kórsetkishi Ortalyq Azıa elderiniń arasynda eń tómen bolyp tabylady, bul ortaeýropalyq mánge sáıkes keledi, dep habarlaıdy aqshamnews.kz.
Bul týraly neonatologtardyń «Jańa týǵan pasıentterge barynsha jaqsy kútim jasaý – negizgige oralý» ǵylymı-praktıkalyq konferensıasy barysynda habarlandy.
Ártúrli memlekettik baǵdarlamalardy júzege asyrýdyń arqasynda náreste ólimin tómendetý múmkin bolǵany atap ótildi. Máselen, Mınıstrlik ana men balanyń densaýlyǵyn jaqsartý jónindegi is-qımyl josparyn bekitti, onda júkti áıelder men balalarǵa medısınalyq kómek kórsetýdi jetildirý, perınataldyq ortalyqtardy jańǵyrtý jáne jańa balalar klınıkalaryn salý jónindegi is-sharalar kózdelgen.
Konferensıa Qazaqstanda neonataldyq ólimdi tómendetý úshin jańa týǵan balalarǵa kórsetiletin medısınalyq kómektiń sapasyn jetildirý, sondaı-aq neonatologıa men perınatologıadaǵy halyqaralyq jáne óńirlik kóshbasshylarmen yntymaqtastyqty odan ári tereńdetý maqsatynda uıymdastyryldy. Kezdesýge AQSH, Fransıa, Norvegıa, Shvesıa, Polsha, Lıtva Respýblıkasynyń neonatologıa jáne perınatologıa salasyndaǵy sarapshylary qatysty.
Konferensıaǵa qatysýshylar zamanaýı ǵylymı zertteýler men klınıkalyq praktıkaǵa negizdelgen jańa týǵan náresteler men shala týǵan nárestelerge kútim jasaý boıynsha jańa týǵan náresteni bastapqy reanımasıalaý jáne altyn saǵat, emshek sútimen qorektendirýdiń artyqshylyqtary, neonatologıadaǵy respıratorlyq qoldaý, jańa týǵan nárestelerdegi gemodınamıkalyq mártebeni baǵalaý jáne qoldaý jáne t. b. sıaqty ozyq tásilderin talqylady.