Osy aptada óńirlerge JJM jetkizý kestesin bekitý josparlanýda.
Jergilikti bılik ókilderi aldaǵy ýaqytta fermerlerge 43,6 myń tonna jeńildetilgen janar-jaǵarmaıdyń jetkizilýin qadaǵalaıtyn bolady. Olarǵa mundaı tapsyrmany Úkimet basshysynyń orynbasary Roman Sklár berdi, dep habarlaıdy Almaty-akshamy.kz.
««Qazaqstan temir joly» UK» AQ 2021 jyldyń 31 shildesine deıin shóp tasymaldaý úshin respýblıkanyń barlyq aýmaǵynda ýaqytsha jeńildikter usyndy. Tasymaldaý quny 77%-ǵa tómendetildi. Bul shara batys óńirlerge qosymsha mal azyǵyn jyldam jetkizýge múmkindik beredi», - delingen Aýyl sharýashylyǵy mınıstrliginiń baspasóz qyzmetiniń habarlamasynda.
Shaǵyn jáne orta fermerlik sharýashylyqtarda jem-shóp óndirisin yntalandyrý maqsatynda fermerlerge jem-shóp daıyndaý tehnıkasy men sýarýdyń utqyr júıelerin satyp alý úshin «Báıterek» holdıńine qosymsha qarjylandyrýdyń tetikterin ázirleý tapsyryldy.
Óńirlerdiń ákimdikterine mal azyǵy baǵasynyń qoljetimdi bolýyn turaqty baqylaý jáne aýyl sharýashylyǵy óndirýshilerimen jáne qurama jem kásiporyndarymen jemdi qoljetimdi baǵamen satý týraly memorandým jasasý tapsyryldy.