Ermek Marjyqpaev zamanaýı kóshpendiler úshin vıza engizý josparymen tanystyrdy, dep habarlaıdy Almaty-akshamy.kz
Mınıstr sıfrlandyrý jáne vıza alý rásimderin jeńildetý arqyly vızalyq jáne kóshi-qon rejımin jaqsartý qajet ekenin atap ótti.
"Múddeli memlekettik organdarmen birlese otyryp, sheteldik azamattarǵa elde uzaq merzimdi bolý quqyǵyn beretin qazirgi zamanǵy kóshpendi vızany, jumys ataýy - Neo Nomad Visa engizý máselesi qarastyrylýda. Bul sharany júzege asyrýdan kútiletin ekonomıkalyq nátıje jyl saıyn 3 mıllıard teńgeden asady. Qazirgi ýaqytta Neo Nomad Visa júıesin engizý tetigi ázirlenip, múddeli memlekettik organdarǵa jiberildi", - dedi ol.
Mınıstrdiń málimetinshe, 2023 jyly Qazaqstanǵa 9,2 mıllıon shetel azamaty kelgen, bul 2022 jylǵy kórsetkishten eki ese kóp. El ishinde 9,6 mıllıonnan astam qazaqstandyq saıahattaǵan. Bul kórsetkish 2022 jyldan 1 mıllıon adamǵa asyp otyr.