Búgingi tańda mektep oqýlyqtaryn sıfrlyq formatqa kóshirý prosesi 100%-ǵa oryndaldy.
Barlyq oqý materıaldary memlekettik saraptamadan sátti ótip, oqý-ádistemelik keshender tizimine engizildi. Sıfrlyq oqýlyqtar eldiń 13 baspasy usynǵan 11 platformada ázirlenýde, dep habarlaıdy Almaty-akshamy.kz Oqý-aǵartý mınıstrligine silteme jasap.
«Oqytýdyń ınovasıalyq ádisterin engizý úshin pedagogterge arnalǵan ádistemelik usynymdar ázirlendi. Muǵalimder onlaın-resýrstarmen jumys isteý daǵdylaryn arttyra otyryp, sabaqtarda sıfrlyq tehnologıalardy, onlaın-kommýnıkasıalardy belsendi paıdalanady», - dep atap ótti QR Oqý-aǵartý mınıstrligi bilim sapasyn qamtamasyz etý komıteti tóraǵasynyń orynbasary Maıra Meldebekova.
Sonymen qatar robototehnıka, STEM, hımıa, fızıka jáne bıologıa boıynsha 1345 zamanaýı kabınet ashý jumystary jalǵasýda. Bıylǵy jyldyń sońyna deıin elimizdiń 20 óńirindegi 1072 mektep zamanaýı kabınettermen jabdyqtalatyn bolady.