Ózgeris búginnen bastap qoldanysqa enedi, dep habarlaıdy aqshamnews.kz
Qazaqstan qarjy mınıstrligi aqyly negizde elektrondy kezek boıynsha memlekettik shekara arqyly ótkizý erejesine ózgerister engizdi. Bul kólik quraldary, taýarlardyń jáne júkterdiń ıelerine qatysty. Qujatta shekaradan jyldam ótý úshin jeke aqyly rejımdi engize otyryp, kezekten tys jáne jyldam ótkizý tártibi jazylǵan.
2023 jyly jarıalanǵan buıryqta júk kólikteri men aýyr júk kólik ıeleri ótkizý pýnktinen jedel ótý úshin 100 AEK nemese 393 200 teńge (724,6 dollar) tóleıtini jazylǵan. Jańa erejelerde qarjy mınıstrligi osy buıryqqa silteme jasaıdy.
Sondaı-aq jergilikti atqarýshy organdaryna ótkizý pýnktteriniń janynda kútý aımaqtaryn jaılastyrý mindeti júkteledi.
"Kútý aımaǵy - kólik quraldaryn ornalastyrýǵa arnalǵan arnaıy aımaq. Munda ótkizý pýnktiniń táýliktik ótkizý qabileti negizge alynady. Ótkizý pýnktine tikeleı jaqyn ornalasqan arnaıy jabdyqtalǵan alań", - dep túsindirdi vedomstvo.
Janýarlar, tez buzylatyn jáne qaýipti júk tıegen azamattar kezekten tys tirkeýden óte alady. Sondaı-aq shet memleket úkimetinen dıplomatıalyq arna arqyly kelip túsken resmı ótinish boıynsha gýmanıtarlyq, áskerı júkter men júkter de jyldam ótedi.