«Almaty jylý júıesi» JSHS jylý jáne ystyq sý úshin bereshegin ósimpulsyz ótegisi keletin tutynýshylarǵa arnalǵan «Qaryzdy tóle – ósimpuldy alyp tastaımyz!» aksıasynyń jalǵasyp jatqanyn habarlaıdy. Naýqan merzimi shekteýli ekenin eske salamyz, ol 2025 jyly 31 jeltoqsanda aıaqtalady.
Aksıa bastalǵan kúnnen beri 760-qa jýyq boryshker osy múmkindikti paıdalanyp úlgerdi.
Aksıa aıasynda azamattar ósimpuldan arylyp qana qoımaı, múlikterine salynǵan shekteýler men tyıymdardy alyp tastaýǵa, banktik shottaryn buǵattan sheshe alady.
Aksıaǵa qatysý úshin qajetti qujattar týraly aqparatty boryshker myna baılanys arnalary arqyly ala alady:
• anyqtama qyzmeti: 341-07-77,
• WhatsApp: +7 (701) 027-11-20 (tek habarlama qabyldaıdy),
• e-mail: info@alts.kz,
• nemese tutynýshylarǵa qyzmet kórsetý ortalyqtaryna tikeleı júginý arqyly.
Tutynýshylarǵa qyzmet kórsetý ortalyqtarynyń mekenjaılary men baılanys derekteri:
* «Batys» TQKO (Alataý, Áýezov jáne Naýryzbaı aýdandaryna qyzmet kórsetedi) – «Aqsaı-4» shaǵynaýdany, 51-B, tel.: 341-05-30, 341-05-31, WhatsApp: +7 (701) 300-70-69, e-mail: batys@alts.kz;
* «Ortalyq» TQKO (Almaly jáne Bostandyq aýdandaryna qyzmet kórsetedi) – Shafık Chokın kóshesi, 221-V, tel.: 341-05-28, 341-05-29, WhatsApp: +7 (701) 300-70-65, e-mail: ortalyc@alts.kz;
* «Shyǵys» TQKO (Jetisý, Medeý jáne Túrksib aýdandaryna qyzmet kórsetedi) – Tólebaev kóshesi, 26, tel.: 341-05-32, WhatsApp: +7 (701) 300-70-54, e-mail: shygis@alts.kz.
Eskerte keteıik, ósimpul jylý men ystyq sý úshin bereshek tolyq ótelgen jaǵdaıda ǵana keshiriledi. Qaryzyn ótemegen tutynýshylar jylý júıesinen ajyratylyp, bereshek sot arqyly óndiriledi.