Elimizde shaı óndirý 21%-ǵa artyp, baǵasy 12%-ǵa ósken.
Osy jyldyń mamyr aıyndaǵy kórsetkish boıynsha, elimizde shaıdyń bir kelisiniń ortasha baǵasy 3,6 myń teńge boldy, dep habarlaıdy Almaty-akshamy.kz Energyprom.kz saıtyna silteme jasap.
Qazaqstannyń iri qalalarynyń ishinde eń qymbat baǵa Qaraǵandyda: 4 myń teńge, elimizdiń astanasynda 3,9 myń teńge, Almatyda 3,8 myń teńge bolsa, eń tómengi baǵa Taldyqorǵanda 3,3 myń teńge.
Bıylǵy jyldyń basynan sáýir aıyna deıingi málimet boıynsha, byltyrǵymen salystyrǵanda, elimizdegi shaı men kofe óńdeý óndirisi 20,5%-ǵa artqan.
Óndiris boıynsha aldyńǵy oryndy 3,7 myń tonna kórsetkishpen Almaty bastap keledi, Shymkent 2 myń tonna, al úshtikti túıindegen Qaraǵandyda 453 tonna shaı óndirgen.
Sáýir aıynyń qorytyndysy boıynsha, elimizde shaı baǵasynyń ortasha jyldyq ósimi 12,4%-ǵa artqan. Al Batys Qazaqstandaǵy baǵa 25,3%-ǵa artsa, Pavlodarda 21,4%-ǵa, Shymkentte 19,3%-ǵa qymbattaǵan.