Almaty qalasyndaǵy epıdemıologıalyq jaǵdaı qaýyrt kúıinde qalyp otyr.
Almaty dárigerleri qaladaǵy KVI aýrýynyń tómendeýine keshendi sharalar áser etkenin aıtyp otyr, dep habarlaıdy Almaty-akshamy.kz.
Aǵymdaǵy jyldyń 1 maýsymynan bastap matrısanyń sary aımaǵyna kóshýine qaramastan, Almaty qalasyndaǵy epıdemıologıalyq jaǵdaı kúrdeli kúıinde qalyp otyr.
Krıterıılerge sáıkes, qyzyldan sary aımaqqa aýysqan kezde qoldanystaǵy shekteý sharalary 7 kún ótkennen keıin kúshine enetin belgili bir jeńildiktermen saqtalady (Memlekettik Bas sanıtarıalyq dárigerdiń 2021 jylǵy 25 naýryzdaǵy №12 qaýlysy).
QR Bas memlekettik sanıtarlyq dárigeriniń qaýlysyna sáıkes, sary aımaqtyń krıterııleri R sany (juqtyrý kórsetkishi) < nemese = 1.0 jáne 100 myń turǵynǵa shaqqandaǵy aýrý kórsetkishi < nemese = 100 bolyp tabylady.
Resmı derek boıynsha,aǵymdaǵy jyldyń 7 maýsymynda Almaty qalasynda R kórsetkishi=0,7 sanynda 100 myń turǵynǵa shaqqanda KVI syrqattanýshylyq kórsetkishi 64,7, ıaǵnı 100-den tómen.
KVI aýrýshańdyǵy Almaty qalasy Bas memlekettik sanıtarlyq dárigeriniń №15 jáne 16 qaýlylaryna (buqaralyq is-sharalarǵa tyıym salý, bazarlardyń, saýda oıyn-saýyq ortalyqtarynyń jumysyna, jazǵy alańdardy qospaǵanda, demalys kúnderi áleýmettik baılanystardy tómendetý maqsatynda qoǵamdyq tamaqtanýǵa tyıym salý) sáıkes keshendi júrgizilgen shekteý sharalary nátıjesinde, sondaı-aq halyqty vaksınasıalaýdyń nátıjesi retinde tómendedi.