Endi qala turǵyndary tirkeý nómiri arqyly ótinishterin qaldyra alady. Onyń oryndalý barysyn tekserý úshin de osy tirkelý nómiri mańyzdy ról atqarady.
Almaty ákimi Baqytjan Saǵyntaevtyń tapsyrmasy boıynsha qala ákimdiginiń ǵımaratynda «Ashyq ákimdik» front-ofısi quryldy, dep habarlaıdy Almaty-akshamy.kz ákimdiktiń baspasóz qyzmetine silteme jasap.
Joba «Estıtin memleket» tujyrymdamasy aıasynda ákimdikke júginetin azamattardyń máselelerin sheshý úshin jaıly jaǵdaılar jasaý maqsatynda iske asyryldy. Ótinishter «bir tereze» qaǵıdaty boıynsha qaralady jáne esepke alynýyna oraı aýdandyq ákimdikterge nemese qala basqarmalaryna jiberiledi.
Ótinishter boıynsha jumys jasaıtyn jobalyq keńsemen birge front-ofıs qyzmetkerleriniń is-áreketteriniń algorıtmi jasaldy, onyń quramyna qurylymdyq bólimshelerdiń basshylary men aýdan ákimderi apparattarynyń basshylary endi.
Jazbasha ótinish bergen kezde elektrondyq kezektiń kýpony beriledi. Ótinishke tirkeý nómiri jazylady, ol bir memlekettik organnan ekinshisine berilýin boldyrmaıdy jáne tolyq ári naqty jaýapty qamtamasyz etedi.
Qazirgi kezde barlyq aýdandyq ákimdikterde front-ofıster jumys isteıdi, «aýdan — basqarma — qala» vertıkaly jasalǵan. Bolashaqta aýdandyq ákimdikterde turǵyndardy qabyldaýdyń elektrondy brondaý túri qarastyrylǵan. Elektrondy kezek ornatyldy, barlyq qyzmetter sıfrlandyrylǵan, bul ár ótinimniń oryndalý barysyn kórýge múmkindik beredi.
Front-ofıstiń sıtýasıalyq ortalyq retinde ózekti máselelerdi sheshý boıynsha jedel sharalar qabyldaýdy qamtamasyz etedi ári ótinishtiń qaıtalanýynyń aldyn alady. Ótinimderdi óńdeý tıimdiligin jedeldetý maqsatynda kún saıyn qyzmetkerlerdiń atqarǵan jumystaryna TNK boıynsha monıtorıń júrigiziledi.
Almaty ákimdiginde «Qujat aınalymynyń biryńǵaı júıesi» ornatylǵan, qazirgi kezde azamattardyń ótinishterin jedel qaraýǵa múmkindik beretin «E-Ótinish» aqparattyq júıesi engizilgen.
Sonymen qatar «1318» qysqa nómiri bar kóp arnaly koll-ortalyq jumys isteıdi. Ol azamattarǵa ótinishter týraly aqparat alýlarynyń basty kózi bolyp tabylady, ıaǵnı ótinimniń qabyldanýynan bastap, oryndalýy, azamattyń berilgen jaýapqa qanaǵattanýy týraly tolyq aqparat usynady.
Azamattardy qabyldaýdy uıymdastyrýmen, ótinishterdi tirkeýmen, baqylaý men oryndalýyna monıtorıń júrgizýmen, ótinishterdiń oryndalýyna saraptama jasaýmen jáne tapsyrma berýmen Almaty ákimi apparatynyń ótinishterdi qaraýdy baqylaý bólimi aınalysady.