Kezekte turǵandar jaldaý aqysyn tolyq tólegennen keıin turǵyn úı ıesi atanady.
Indýstrıa jáne ınfraqurylymdyq damý mınıstrligi satyp alý quqyǵymen jalǵa beriletin turǵyn úı mehanızmin engizýmen aınalysyp jatyr, dep habarlaıdy Almaty-akshamy.kz
Indýstrıa jáne ınfraqurylymdyq damý mınıstrliginiń baspasóz qyzmeti vedomstvonyń satyp alý quqyǵymen jalǵa beriletin turǵyn úı mehanızmin engizý boıynsha jumys júrgizip jatqanyn málimdedi.
«Kezekte turǵan adamnyń ótinishi boıynsha satyp alý arqyly jalǵa alýǵa kóshý nemese qazirgi sharttar boıynsha satyp alýsyz jalǵa beriletin turǵyn úıde turý usynylady. Satyp alý arqyly jalǵa alý shartyna aýysqan kezekte turǵandar úshin bastapqy jarnasyz satyp alý usynylady. Osylaısha kezekte turǵandar turǵyn úı jaǵdaıyn nasharlatpaı, jaldaý aqysyn tolyq tólegennen keıin turǵyn úı ıesi atanýǵa naqty múmkindik alady», - dep málimdedi Indýstrıa jáne ınfraqurylymdyq damý mınıstrliginiń baspasóz qyzmeti.
Mınıstrlik bul jaǵdaıda turǵyn úı jeke qurylys salýshylardan jaıly ómir súrý jaǵdaılarynyń zamanaýı krıterıılerine sáıkes keletin naryqtyq baǵamen satyp alynatynyn aıtty.