Bul - osyndaı salmaqpen týylǵan ekinshi sábı.
N2 qalalyq perzenthanaǵa 32 jastaǵy áıel júktiliktiń 39 aptasynda patologıa bólimine tústi. Túskennen keıin tolǵaǵy ustaǵan áıel shuǵyl bosanyp, salmaǵy 5328 gram, boıy 60 sm náresteni dúnıege ákeldi, - dep habarlaıdy Almaty-akshamy.kz Almaty qalalyq qoǵamdyq densaýlyq saqtaý basqarmasynyń baspasóz qyzmetine silteme jasap.
Úshinshi balasyn bosanǵan áıel tipti sábıdiń ólshemderi týraly bilmedi. Burynǵy últradybystyq zertteýde salmaǵy 3500-3800 gram bolǵan.
«Mundaı jaǵdaılar óte sırek kezdesedi. Áıel esh qıyndyqsyz bosandy. Qazirgi ýaqytta anasy men jańa týǵan náresteniń jaǵdaıy jaqsy, olar úılerine shyǵaryldy. Olar perzenthanada úsh-aq kún jatty», - deıdi bas dárigerdiń orynbasarynyń mindetin atqarýshy Kýrenova Gýlnar.
Óz kezeginde emdelýshi aýrýhananyń barlyq qyzmetkerlerine alǵysyn bildirdi.
«Men ózim qyzymnan mundaı salmaqty kútpedim. №2 perzenthananyń bas dárigerinen bastap barlyq medbıkelerine deıin - barsha ujymǵa sheksiz alǵysymdy bildiremin! Munda kásibı mamandar jumys isteıdi. Bólmeleri tap-taza, tamaǵy dámdi. Mamandary óz isine asqan jaýapkershilikpen qaraıdy. Barshańyzǵa zor densaýlyq, eńbekterińizge tabys tileımin», - dedi jas ana.
Eske salaıyq, bul N2 qalalyq perzenthanada salmaǵy 5 keliden asatyn náreste dúnıege kelgen ekinshi jaǵdaı bolyp otyr. Sonymen, mamyr aıynda perzenthana qyzmetkerleri bosanyp, nátıjesinde salmaǵy 6020 gram qyz bala dúnıege kelgen.