2,8 paıyz qymbattap, barreline 87,50 dollarǵa jetti.
OPEK+ uıymynyń 2020 jyldan beri munaı óndirýdi barynsha qysqartý josparlary aıasynda dúısenbi kúni Azıa naryǵyndaǵy tańerteńgi saýdada munaı baǵasy 3 paıyzdan astam kóterildi, dep habarlaıdy Almaty-akshamy.kz QazAqparatqa silteme jasap.
Dúısenbide Brent markaly munaı fúchersteri juma kúni sesıa jabylar aldynda 0,6 paıyzǵa arzandaǵan soń, 2,36 dollar nemese 2,8 paıyz qymbattap, barreline 87,50 dollarǵa jetti.
Óz kezeginde AQSH-tyń West Texas Intermediate (WTI) munaıy aldyńǵy sesıada 2,1 paıyzǵa tómendegennen keıin 2,27 dollar nemese 2,9 paıyz qymbattap, barreline 81,76 dollardy quraǵan.
Baǵa ósimi OPEK+ retinde tanymal munaı eksporttaýshy elder uıymynyń naryqty qoldaý maqsatynda munaı óndirýdi kúnine 1 mln barelden astam qysqartý josparlary aıasynda boldy.
Uıym mundaı múmkindikti osy sársenbi, 5 qazanda, ótetin aldaǵy otyrys qarsańynda qarastyrýda. Mundaı sheshim qabyldansa, bul pandemıa bastalǵannan beri munaı óndirýdiń eń úlken qysqarýy bolmaq.
Osyǵan qaramastan, naryq sarapshylary óndiristiń qysqarýynyń energıamen qamtamasyz etýge áseri jalpy kórsetkishterden aıtarlyqtaı tómen bolady dep esepteıdi, óıtkeni OPEK+ músheleriniń kópshiligi uıymnyń kvotalary ruqsat etkennen áldeqaıda az ónim shyǵaryp otyr.