Eńbek jáne halyqty áleýmettik qorǵaý mınıstrligi elimizde sanatorıalyq-kýrorttyq emdeý qyzmetin alý tártibin túsindirdi, dep habarlaıdy aqshamnews.kz
Mınıstrliktiń málimdemesine sáıkes, múgedektigi bar adamdar, onyń ishinde múgedek balalar da abılıtasıalaý men ońaltýdyń jeke baǵdarlamalary negizinde sanatorıalyq-kýrorttyq emdeý qyzmetin tegin ala alady. Bul qyzmet memlekettik búdjet qarajaty esebinen jylyna bir ret, 14 kúntizbelik táýlikten aspaıtyn merzimde usynylady.
Sondaı-aq, múgedektigi bar balany sanatorıalyq-kýrorttyq emdeýge alyp júretin zańdy ókilderiniń biriniń sanatorıalyq-kýrorttyq uıymdaǵy bolý qunyna da ótemaqy beriledi. Ótemaqy jergilikti atqarýshy organdardan kepildik berilgen somanyń 70% mólsherinde qarastyrylǵan.
Sanatorıalyq-kýrorttyq emdeýge ótinishti qalalar men aýdandardyń jumyspen qamtý jáne áleýmettik baǵdarlamalar bólimderine berýge bolady.