Instagram áleýmettik jelisinde qazaqstandyqtar psevdoǵalym Petr Garáev últradybystyq zertteý adam úshin qaýipti dep aıtqan vıdeosyn talqylaýda. Últradybys DNQ molekýlasyndaǵy aqparatty óshiredi, sondyqtan Jerde saý bala joq eken.
Bunyń anyq-qanyǵyn Stopfake.kz zerdelep kórdi, dep habarlaıdy aqshamnews.kz.
Petr Garáev tolqyndyq genetıka teorıasymen tanymal. Onyń aıtýynsha, DNQ-daǵy aqparat tolqyn túrinde usynylǵan. Sonymen qatar, psevdoǵalym naqty qandaı tolqyn týraly aıtyp otyrǵanyn ózi de bilmeıdi. Aldymen ol akýstıkalyq tolqyndar týraly jazdy, odan keıin torsıondy, optıkalyq jáne t.b. aıta bastady. Shyn máninde, DNQ qurylymynda eshqandaı tolqyndar joq. (https://www.genome.gov/genetics-glossary/Deoxyribonucleic-Acid) Bul molekýladaǵy aqparat amınqyshqyldarynyń tizbegi retinde kodtalǵan.
Ǵylymı teorıa turǵysynan Garáevtiń ıdeıasy negizsiz jáne dáleldermen rastalmaıdy. Ol alǵan málimetterdi kúrdeli uǵymdarmen túsindiredi. Mysaly, ol lazer – DNQ, al DNQ – bul lazer deıdi. Bul ıdeıalar lazerge de, DNQ-ǵa da qatysty qazirgi ǵylymnyń negizgi erejelerine qaıshy keledi. Sonymen qatar, onyń teorıalaryn joqqa shyǵarylmaıdy, óıtkeni mundaı eksperımentter júrgizýge múmkindik joq.
Petr Goráevtiń áriptesteri ony ǵylymǵa qarsy sózderi úshin jıi synǵa aldy.Psevdo ǵalym birneshe ret «VRAL qurmetti akademıgi» syılyǵynyń laýreaty atanǵan.
Últradybystyń DNQ molekýlalarynan aqparatty óshiretini týraly aqparat jalǵan. Mundaı ıdeıalardy alǵa tartqan Petr Garáevtiń teorıalary ǵylymǵa qarsy dep tanyldy.