Partıalardy tirkeýge qoıylatyn talaptar ózgeredi.
Qazaqstanda saıası partıa quryp, ony tirkeý prosesi jeńildedi. QR Ádilet vıse-mınıstri Alma Muqanova osyndaı málimdeme jasady, dep habarlaıdy Almaty-akshamy.kz QazAqparatqa silteme jasap.
«Saıası partıalardy tirkeýge qoıylatyn talaptar ózgeredi. Endigi ýaqytta saıası partıany tirkeý úshin 20 myń emes, 5 myń múshe jetkilikti. Al óńirlik ókildikteriniń sany 600-den 200 adamǵa deıin azaıtyldy. Sol sıaqty saıası partıa qurý úshin azamattardyń bastamashyl tobynyń eń azy 1 myńnan 700 adamǵa deıin tómendetildi. Odan bólek, partıa qurý jónindegi quryltaı sezin ótkizý merzimin 2 aıdan 3 aıǵa deıin ulǵaıtý boıynsha túzetý kózdelgen»,- dedi Alma Muqanova OKQ-de ótken brıfıńte.
Sondaı-aq, vıse-mınıstrdiń aıtýynsha, jer jáne onyń resýrstaryn halyq menshigine belgileýde Konstıtýsıanyń 6-babyna naqtylaıtyn túzetýler engizildi.
«Kelesi zańnamalyq ózgeris bul sýdıalyq laýazymdarǵa konkýrstyq rásimderdi onlaın-translásıalaýdy engizýge qatysty. Sol sıaqty norma shyǵarý prosesin jeńildetýge jáne normalardy retteý deńgeılerin naqtylaýǵa, máslıhat tóraǵasy laýazymyn engizýge baǵyttalǵan jekelegen túzetýler qarastyryldy», - deıdi ol.
Buǵan deıin QR Parlamenti men Úkimetiniń ókilettigine qatysty zańnamaǵa birqatar ózgeris engizilgenin habarlaǵan edik.