Mekeme saýnasy men oqshaýlanǵan 11 bólmesi bar úsh qabatty záýlim úıde ornalasqan.
Almaty polıseıleri jezóksheler úıin anyqtady, – dep habarlaıdy Almaty-akshamy.kz Polisia.kz-ke silteme jasap.
«Túngi saǵat on birde «jumys ornynda» eki ákimshi men jeńil júristi bes qyz boldy. Syrttan kelgender úshin bul – saýyqtyrý massajyn jasaıtyn oryn, al biletinder úshin jezókshelikpen aınalysatyn jezóksheler úıi. Sol túni bizdiń bólimsheniń qyzmetkerleri iri TÚ kesheniniń birinde taǵy eki jezóksheler úıin anyqtady. Eki páterde 12 áıel erotıkalyq qyzmet kórsetti, al olardyń qyzmetin ákimshi baqylap otyrdy. Aıta keteıik, bul páterler qala turǵynynyń dabyly boıynsha anyqtaldy. Tipti, olardyń birinde qatań baqylaýdan ótkizetin oqqaǵary da boldy», – deıdi Almaty qalalyq PD Uıymdasqan qylmysqa qarsy kúres basqarmasynyń bastyǵy Janat Nurǵalıev.
Úsh derek boıynsha jezókshelikpen aınalysýǵa turǵyn úıdi bergen úı-jaıdyń ıeleri anyqtalyp, jaýapqa tartyldy. Úsh jezóksheler úıiniń qyzmetkerleri men klıentteri jeke basyn tekserý jáne shara qoldaný úshin polısıaǵa jetkizildi.