Premer-Mınıstri Álıhan Smaıylovtyń tóraǵalyǵymen ótken keńeste bilim salasyn damytýdyń ózekti máseleleri qaraldy.
Oqý-aǵartý mınıstrligi halyqtyń áleýmettik osal toptarynan shyqqan, jekemenshik mektepterge baratyn balalarǵa Jappaı oqytý qorynan kómek alýǵa múmkindik berýdi usyndy, dep habarlaıdy Almaty-akshamy.kz.
Qazirgi ýaqytta bul norma memlekettik mektepterde ǵana bar. Sondaı-aq qıyn jaǵdaıǵa tap bolǵan jáne memlekettik tapsyrys alatyn balabaqshalarǵa barýǵa múmkindigi joq otbasylardan shyqqan balalardy tegin tamaqtandyrý máselesi qaraldy.
Bul sharany keler jyly iske qosylatyn «Otbasynyń sıfrlyq kartasy» servısi arqyly júzege asyrý usynyldy. Aldaǵy ýaqytta azyq-túlik shyǵyndaryn tóleý úshin daǵdarys jaǵdaıyndaǵy otbasylardan shyqqan balalar anyqtalady.
Álıhan Smaıylov memlekettik organdardyń qajetti aqparattyq júıelerin ıntegrasıalaýdy aıaqtaýdy jáne osy bastamany qarjylandyrý tetigin pysyqtaýdy tapsyrdy. Bul rette ol qarajatty maqsatsyz paıdalanylmaýy úshin baqylaýdyń qatań bolýyn eskertti. Sonymen qatar balabaqshalarǵa biryńǵaı kezekti iske qosý máselesi talqylandy. Bul búdjet qarajatyn únemdeýge jáne oryndardy bólý kezinde sybaılas jemqorlyqty boldyrmaýǵa múmkindik beredi.