Elimizde jumyssyz bola tura, ony izdeýge jáne eńbek etýge qulshynbaıtyndardyń qatary qalyń.
Osy sanatta 39,5 myń adam tirkelgen, dep habarlaıdy Almaty-akshamy.kz.
Ulttyq statısıka búrosynyń málimetinshe, ótken jyldyń tórtinshi toqsanynda Qazaqstan ekonomıkasynyń túrli salalarynda 9 mln adam jumyspen qamtyldy. Olardyń 6,9 mıllıony jaldamaly qyzmetker bolsa, 2,1 mln adam - ózin-ózi jumyspen qamtýshylar.
Tolyq jumyspen qamtylmaǵandar sany byltyrǵy úshinshi toqsanmen salystyrǵanda 9,9%-ǵa ósip, 268,9 myń adam boldy.
Byltyrǵy qorytyndy boıynsha, jumyssyz qazaqstandyqtar sany - 456,1 myń adam. Al osy aralyqta qyzmet etýge qulyqsyzdar 19,3% bolyp tómendedi. Iaǵnı, elimizde jumys isteýge nıeti joqtar sany - 39,5 myń adam.
Aıta keteıik, budan buryn Ulttyq statısıka búrosy elimizdegi ózin-ózi jumyspen qamtyǵandar sanyn jarıa etken.