Almatylyq pedagogtar kadrlyq áleýetti damytý baǵdarlamasy aıasynda alǵash ret halyqaralyq taǵylymdamadan ótti.
Qalanyń 50 mektebiniń basqarý komandalary «Basqarý jáne kóshbasshylyq: taıaýda damý mektebi» kásibı qaıta daıarlaý baǵdarlamasynyń halyqaralyq dıplomdaryn aldy. 50 bilim berý uıymynyń 150 basshysyn oqytý 2022 jyldyń mamyr-jeltoqsan aılary aralyǵynda qalalyq ákimdiktiń bastamasymen qalanyń kadrlyq áleýetin damytý jónindegi «Almaty mektebi» baǵdarlamasyn iske asyrý aıasynda ótti, - dep habarlaıdy Almaty-akshamy.kz.
10 aı ishinde basqarýshy komandalar menedjment, kóshbasshylyq, ekonomıka jáne qarjy, ózgeristerdi basqarý, sıfrlyq bilim berý, bilim berý baǵdarlamalaryn jobalaý jáne bilim berý saıasatynyń trendteri salasynda quzyretterdi qalyptastyrýǵa baǵyttalǵan jeti kúndizgi oqytý modýlinen ótti. Baǵdarlamada oqytýdyń ártúrli formattary qoldanyldy, olar: ınteraktıvti prezentasıalar, toptyq jumystar, tútorlyq súıemeldeý, qatysýshylardyń keısterin kórsetý jáne shaqyrylǵan spıkerlerdiń qonaq dáristeri.
Oqytý barysynda basqarýshy komandalar óz uıymdaryn damytý baǵdarlamalaryn jáne olardy engizý jónindegi damý jobalaryn ázirledi. Mektepterdi damytýdyń úsh jyldyq baǵdarlamalaryn Almaty qalasynyń bilim berý, bilim basqarmasy jáne bilim berýdegi jańa tehnologıalardyń qalalyq ǵylymı-ádistemelik ortalyǵynyń sarapshylarynyń aldynda qorǵady.
Qaıta daıarlaý baǵdarlamasynyń avtorlary men tálimgerleri-Fınlándıa, Germanıa, Estonıa, Reseı men Qazaqstanda keńinen tanylǵan praktıkter. Oqytý barysynda qatysýshylarǵa sarapshylar tútorlyq qoldaý kórsetti, jańa quzyretter boıynsha modýlaralyq onlaın kýrstarǵa qoljetkizildi jáne alǵash ret halyqaralyq taǵylymdamadan ótý múmkin boldy.
Ótken jyldyń 2-8 qarasha aralyǵynda Fınlándıa men Estonıada Almaty mektepteriniń 50 dırektory taǵylymdamadan ótti. Pedagogtar ashyq sabaqtarǵa qatysyp, ınovasıalyq mektepter, ýnıversıtet jáne Helsınkı balabaqshalary mysalynda fın júıesiniń fenomenine úńildi.
Baǵdarlamanyń operatorlary – Helsınkı ýnıversıtetimen seriktes EdCrunch Academy (Qazaqstan) zamanaýı bilim berý Instıtýty, «NZM» DBBU, Máskeý qalalyq pedagogıkalyq ýnıversıteti, «Ekonomıka joǵary mektebi» NIÝ jáne EYDU (PISA).