"Ulttyq qor – balalarǵa" jobasy aıasynda balanyń shotynda 18 jyl ishinde 3 500 dollar jınalady.
Bul týraly Qarjy vıse-mınıstri Dáýren Temirbekov málimdedi, dep habarlaıdy Almaty-akshamy.kz
"Ulttyq qor – balalarǵa" jobasy aıasynda qordyń ınvestısıalyq tabysynyń 50%-i 18 jasqa deıingi balalardyń shotyna aýdarylady. Joba operatory Biryńǵaı jınaqtaýshy zeınetaqy qory bolady.
Sábı dúnıege kelgen kezde Ádilet mınıstrliginiń Jeke tulǵalardyń derekteri bazasy negizinde shot avtomatty túrde ashylady. Ulttyq qordyń ınvestısıalyq tabysy balanyń shotynda 1 qańtarda aýdarylyp turady.
"Jekelegen kezeńderde ınvestısıalyq kiris teris mánde qalyptasýy múmkin ekenin eskerip, ınvestısıalyq tabystyń stavkasyn ótken jyldardaǵy ortasha jyldyq mán negizinde aıqyndaý josparlanyp otyr. Boljamdyq baǵalaýlar boıynsha mundaı ádis baǵdarlamaǵa týǵan sátten bastap qatysqan balaǵa 150-160 AQSH dollary mólsherinde 18 jyl saıynǵy tólem alýǵa múmkindik beredi", - dedi Temirbekov Senatta ótken otyrysta.
Ulttyq bank Ulttyq qordyń ótken jyldardaǵy ortasha kirisin eskerip, ınvestısıalyq tabystyń 50%-yn esepteıdi.
"Investısıalyq tabystyń stavkasyn 18 jyldaǵy ortasha jyldyq mán deńgeıinde aıqyndaý usynylyp otyr. Sonda balanyń (18 jasqa tolǵanda) jınaǵan somasy 3500 dollardy quraıdy dep boljanyp otyr", - dedi vıse-mınıstr.
Qazaqstandyq 18 jasqa tolǵanǵa deıin aqsha Ulttyq qorda bolady jáne qarjy quraldaryna ınvestısıalanady. Joba operatory Biryńǵaı jınaqtaýshy zeınetaqy qory bolady.