Almaty qalasynyń krımınaldyq polısıa qyzmetkerleri azamattarǵa qalaaralyq júk tasymaldaý kezinde qymbat avtokólikter men taýarlardy urlaý jaǵdaılarynyń kóbeıgeni týraly eskertý jasady, dep habarlaıdy aqshamnews.kz.
İshki ister mınıstrligi baspasóz qyzmetiniń habarlaýynsha, alaıaqtar tapsyrys berýshilerge jáne avtotasymaldaýshy júrgizýshilerge baılanysqa shyǵyp, ózderin tasymaldaýshylar nemese satyp alýshy retinde tanystyrady. Olar alaıaqtyq jolmen eki tarapty mámilege sendiredi, sodan keıin óz oıyn iske asyrý maqsatynda kólikterdi basqa kólikterge tıeıdi.
Mundaı qylmystar kóbine Almaty men Almaty oblysynan basqa óńirlerge avtokólikter men taýarlardy tasymaldaý kezinde oryn alady, dep túsindirdi vedomstvo qyzmetkerleri.
Sol sebepti alyp kele jatqan taýaryńyz nemese kólikten aıyrylyp qalmaý úshin asa muqıattylyq tanytý kerek.
Alaıaqtardan saqtaný úshin kelesi sharalardy ustaný usynylady:
-
Qujattardy tekserý: Tasymaldaýshynyń barlyq qajetti qujattaryn muqıat tekserý óte mańyzdy. Bul tekserý tasymaldaýshynyń zańdy ekenin jáne júktiń qaýipsizdigine jaýapty ekenin anyqtaýǵa kómektesedi.
-
Tutynýshyǵa degen senimdiligin tekserý: Tasymaldaýshynyń nemese tapsyrys berýshiniń jumys tarıhy men bedelin zerttep, burynǵy klıenttermen baılanysý nemese ınternettegi pikirlerdi oqyp shyǵý kerek.
-
Kelisimshartqa qol qoıý: Árqashan resmı kelisimshart jasaý qajet. Bul kelisimshartta tasymaldaýshynyń mindetteri men jaýapkershilikteri, sonymen qatar tasymaldaý quny men basqa da sharttar anyq kórsetilýi tıis.
İshki ister mınıstrligi qasaqana qylmystardan qorǵaný úshin barlyq azamattardy osyndaı jaǵdaılardan saq bolýǵa shaqyrýda.