El aýmaǵynda 24 aqpan men 24 naýryz aralyǵynda Dúnıejúzilik týberkýlezge qarsy kúres kúnine oraılastyrylǵan týberkýlez aýrýynyń aldyn alýǵa arnalǵan aılyq ótkizilip jatyr.
Osy is-shara aıasynda Almaty qalasy boıynsha QAJD №11 mekemesindegi sottalǵan balalar arasynda Almaty qalasy №24 emhanasynyń dárigeri Lázzat Dúısenbaı men ftızıatr dáriger Álıa Bımbetova aqparattyq-túsindirý jumystaryn ótkizdi, dep habarlaıdy aqshamnews.kz Polisia.kz-ke silteme jasap.
Dárigerler balalarǵa týberkýlezdiń alǵashqy belgileri, medısınalyq kómekke ýaqytyly júginýdiń mańyzdylyǵy jáne emdeýdiń tıimdiligi týraly túsindirdi. "Biz týberkýlezdi jeńemiz!" degen uranmen ótkizilip jatqan aılyq týberkýlezge qarsy birlesken is-sharalar ótkizý, qaýipti aýrýdyń jahandyq taralýyna tosqaýyl qoıý jumystaryn jandandyrý qajettigin atap kórsetedi. Sondaı-aq mamandar jastar arasynda salaýatty ómir saltyn ustaný týraly áńgimelesip, olardyń suraqtaryna jan-jaqty jaýap berdi. Sottalǵan balalar jazasyn óteıtin №11 mekemede Densaýlyq saqtaý mınıstrliginiń buıryqtarymen bekitilgen barlyq norma qatań saqtalady.
Balalar mekemege kelgennen keıin úsh táýlik ishinde flúorografıalyq tekserýden ótedi jáne Qazaqstan Respýblıkasynyń Bas memlekettik sanıtarlyq dárigeriniń qaýlysymen belgilengen sanıtarlyq-dezınfeksıalyq rejımdi saqtaý jumystary qatań qadaǵalanady.
Aqparat kózi Polisia.kz saıtynda: https://polisia.kz/almatydaghy-balalar-koloniyasynda-tuberkulezge-qarsy-tusindiru-zhumysy-zhurgizildi/