Bir jylda 23% qosyldy.
Bıyl memlekettik basqarý jáne qorǵanys, sondaı-aq mindetti áleýmettik qamsyzdandyrý sektory qyzmetkerleriniń ortasha aılyq jalaqysy 249 myń teńgege jetti, dep habarlaıdy Almaty-akshamy.kz Ranking.kz-ke silteme jasap.
Atalmysh sala qyzmetkerleriniń jalaqysy bir jylda 22,6%-ǵa ósti. Jalaqyny satyp alý qabiletiniń ósýi 7,6%-ǵa jetti.
Sektordaǵy eń joǵary jalaqy mindetti áleýmettik saqtandyrý salasynda atap ótildi. Ol 654 myń teńgege jetip, 1,3% ósim kórsettik. Halyqqa qyzmet kórsetý salasynda 246,6 myń teńge, jalpy sıpattaǵy memlekettik basqarý jáne áleýmettik-ekonomıkalyq basqarý salasynda 249,3 myń teńge boldy.
Óńir boıynsha sektordaǵy eń joǵary jalaqyny elorda qyzmetkerleri aldy. Olar 393,3 myń teńge alady, bul kórsetkish ótken jylmen salystyrǵanda 9,3%-ǵa artyq. Odan keıingi kezekte Qyzylorda oblysy (283,9 myń teńge) jáne Almaty (265,5 myń teńge) boldy.
Eń tómengi kórsetkishter Aqmola (209,1 myń tg), Abaı (209,7 myń tg) jáne Shyǵys Qazaqstan (212,7 myń tg) oblystarynda tirkeldi.