2022 jylǵy 13 qazanda Qazaqstan aýmaǵy arqyly Aýǵanstan azamattaryn zańsyz ótkizý arnasy anyqtaldy.
Bul jumystardy UQK Shekara qyzmeti Almaty qalasynyń prokýratýrasymen birge oryndaǵan, dep habarlaıdy Almaty-akshamy.kz Egemen.kz-ke silteme jasap.
«Jedel izdestirý is-sharalary barysynda Orta Azıa elderiniń biriniń jalǵan tólqujatyn usynǵan sheteldik azamat 1,5 myń AQSH dollary somasyndaǵy aqshany alyp jatqan kezinde ustaldy. Ótkizilgen tintýdiń nátıjesinde birneshe qazaqstandyq uıymdardyń mórleri, 20 aýǵandyq tólqujat, týý týraly kýálikter men QR azamattyǵy men elde turýǵa yqtıar hat alýǵa, tirkelýge jáne elde bolý merzimin uzartýǵa negiz bolatyn basqa da qujattar alyndy», - dep jazylǵan habarlamada.
Atalǵan fakt qylmystyq belgileri boıynsha sotqa deıingi tergep-tekserýlerdiń biryńǵaı tizilimine QR QK 394-baby 1-bóligi (Zańsyz kóshi-qondy uıymdastyrý) boıynsha tirkeldi.
Ustalǵan adam Almaty qalasy polısıa departamentiniń ýaqytsha ustaý ızolátoryna qamaldy.