Túziletin qaldyqtardyń kólemin qysqartý maqsatynda «Waste to Energy» qaldyqtardy energetıkalyq kádege jaratý tetigin engizý jónindegi zań qabyldady.
Osylaısha qoqys jaǵyp, elektr energıasyn óndirmekshi, dep habarlady Almaty-akshamy.kz. QR Ekologıa, geologıa jáne tabıǵı resýrstar mınıstrliginiń saıtyna silteme jasap.
Qazirgi ýaqytta qoqys jaǵatyn zaýyttar salý úshin 6 qala anyqtaldy.
«Nur-Sultan, Aqtóbe, Almaty, Shymkent, Qaraǵandy jáne Óskemen qalalaryndaǵy ákimdikter zaýyt salýǵa jer ýchaskelerin bóldi, elektr energıasyn taratýshy uıymnan elektr jelisine qosylýdyń eń jaqyn núktelerin anyqtady. Energıa óndirýshi uıymdardyń tizimin qalyptastyrý boıynsha aýksıon ótkizýge qujattardy qabyldaý bastaldy. Ekinshi jartyjyldyqta qorytyndy shyǵaramyz», - dedi Maǵzum Myrzaǵalıev.
Ruqsat etilmegen qoqys polıgondarynyń kóbeıýi de nazar aýdarýdy qajet etedi. Ǵaryshtyq monıtorıń sheńberinde jyl saıyn shamamen 8,0 myń qoqys polıgony anyqtalady.
«Ákimdikter olardy taratý boıynsha jumys júrgizýde. Sonymen birge, zańsyz qoqys tastaıtyn jerler týraly máseleni júıeli túrde sheshý úshin jańa Ekologıalyq kodekste qoqys shyǵaratyn kólik quraldaryna GPS dachıkterin mindetti túrde ornatý máselesi qarastyrylǵan, qaldyqtardy qaıta óńdeýmen jáne kádege jaratýmen aınalysatyn kásiporyndarǵa lısenzıalaý engizilip, qoqys shyǵaratyn uıymdar úshin habarlama jasaý tártibi belgilendi», - dedi mınıstr.