Jol kartalarynda odan ári gazdandyrý, qoǵamdyq kólikti gaz otynyna kóshirý, qalalardy kógaldandyrý jáne t. b. sharalar qarastyrylǵan.
Óńirlerdegi ekologıalyq jaǵdaıdy jaqsartý maqsatynda 17 jol kartasy bekitildi, dep habarlaıdy Almaty-akshamy.kz QR Ekologıa, geologıa jáne tabıǵı resýrstar mınıstrliginiń baspasóz qyzmetine silteme jasaı otyryp.
Bul týraly QR Ekologıa, geologıa jáne tabıǵı resýrstar Maǵzum Myrzaǵalıev halyqqa esep berý kezdesýinde aıtty.
«Olardy iske asyrý qaldyqtardy óńdeý deńgeıin qazirgi 18%-dan 30%-ǵa deıin jetkizýge, qatty turmystyq qaldyqtarǵa arnalǵan 24 jańa polıgondar salýǵa, tarıhı lastanǵan jerlerdi qalpyna keltirýge jáne joıýǵa, 7 jańa qurylys salýǵa jáne 12 kanalızasıalyq tazartý keshenderin qaıta qurýǵa jáne t.b. múmkindik beredi. Jalpy alǵanda, elde 485 sharanyń júzege asyrylýy qarastyrylǵan. Birinshi toqsannyń sońynda biz jol kartalaryn iske asyrý barysy týraly halyqpen kezdesýler ótkizdik. Taldaý kórsetkendeı, bıylǵy jyldyń birinshi toqsanynda 70 shara qarastyrylǵan, onyń 42-si aıaqtaldy», - dedi Maǵzum Myrzaǵalıev.
Ekologıalyq monıtorıń qorytyndysy boıynsha Temirtaý, Nur-Sultan, Almaty, Aqtóbe, Atyraý, Óskemen, Qaraǵandy, Balqash, Jezqazǵan, Shymkent qalalarynda atmosferalyq aýanyń lastaný deńgeıi joǵary. Lastaýshy zattar shyǵaryndylary men tógindileriniń 2020 jylǵy kórsetkishi 2019 jylǵy kórsetkishke uqsas, ıaǵnı kólemi 2,5 mln.tonnany, tógindiler 1,1 mln. tonnany qurady.
«Qalalardaǵy aýanyń lastanýy máselelerin sheshý úshin bizdiń qatysýymyzdyń arqasynda birqatar kompanıalardyń lastaýshy zattar shyǵaryndylaryn azaıtý týraly kelisimder jasaldy. Osylaısha, Almatyda 2 jáne 3-JEO jańartý týraly sheshim qabyldandy. Qaraǵandy oblysynda qol qoıylǵan memorandýmǵa sáıkes, «ArselorMıttal Temirtaý» AQ 2025 jylǵa deıin atmosferaǵa shyǵaryndylardy 30% tómendetýge mindettenedi jáne Temirtaý qalasynyń aınalasynda 500 myń aǵash otyrǵyzylady» - dedi mınıstr.