İİM sheteldik kólikterdi zańdastyrýǵa qatysty pikir bildirdi.
Mınıstrliktiń málimetinshe, Qazaqstanda 300 myńnan asa sheteldik kólikti tirkeýge bolady, dep habarlaıdy Almaty-akshamy.kz.
İİM Prezıdent joldaýynda 1 qyrkúıekke deıin sheteldik kólikterdiń Qazaqstanǵa kirýiniń jeńildetilgen tártibine ruqsat bergenin eske saldy.
Vedomstvo azamattar bastapqy tirkeý úshin 200-250 myń teńge kóleminde alym tóleıtinin aıtty.
Úkimet otyrysynyń aıasynda jýrnalıser İshki ister mınıstrinen jeńildetilgen tártipte qansha kólik resimdelgenin naqtylady.
«Muny júzege asyrý úshin biz zańnamany ázirlep, eki zańǵa ózgerister engizýimiz kerek. Bul Salyq jáne Ekologıalyq kodekster. Áriptesterim zań jobalaryn daıyndap jatyr. Olar daıyn bolǵan kezde, biz quqyqtyq aktini qabyldaımyz. 1 qyrkúıekten bastap Qazaqstanǵa 300 myńnan asa sheteldik kólik keldi. Zań qabyldanǵannan keıin biz jumysqa kirisemiz», - dedi mınıstr.
Sondaı-aq, İİM basshysy tıisti zań jobasy qashan qabyldanatynyn aıtty.
«Biz zań jobasyn ázirlemeımiz, muny meniń áriptesterim jasaıdy. Salyq jáne Ekologıalyq kodeksterge tıisti ózgeristerdi quzyretti mınıstrlikter daıyndaıdy. Prezıdent 2023 jyldyń 1 qańtaryna deıin qabyldaýdy tapsyrǵan bolatyn. Zań qabyldanǵannan keıin biz kólik quraldaryn zańdastyrý boıynsha tıisti erejeler daıyndaımyz», - dep túsindirdi mınıstr.