Syrtqy temperatýra +40°S - 45°S bolǵan kezinde relster + 58°S - 62°S deıin qyzady.
Sondyqtan «Qazaqstan temir joly» UK AQ qozǵalys qaýipsizdigin qamtamasyz etý maqsatynda poıyzdar qozǵalysynyń jyldamdyǵyna shekteýler qoıyp otyr, dep habarlaıdy Almaty-akshamy.kz «Qazaqstan temir joly» UK AQ habarlamasyna silteme jasap.
Osyǵan baılanysty poıyzdar dittegen jerine kesheýildep jetedi.
«Qazirgi ýaqytta soltústik jáne shyǵys oblystarda aýa temperatýrasy +40°S, ońtústik jáne batys oblystarda +45°S deıin kóterildi. Iaǵnı, syrtqy temperatýra +40°S - 45°S bolǵan kezinde relster + 58°S - 62°S deıin qyzady. Sondyqtan «Qazaqstan temir joly» UK AQ qozǵalys qaýipsizdigin qamtamasyz etý maqsatynda poıyzdar qozǵalysynyń jyldamdyǵyna shekteýler qoıyp otyr. Osyǵan baılanysty poıyzdar dittegen jerine kesheýildep jetedi. Kompanıa keltirilgen qolaısyzdyqtarǵa jolaýshylardyń túsinistikpen qaraýyn suraıdy», – dep málimdedi kompanıa.
Qolaısyz aýa raıy poıyz mashınısiniń jumysyn da aıtarlyqtaı qıyndatatyny bar.
«Lokomotıv brıgadalaryna aptap ystyq kezinde poıyzdardy erekshe tártipte ustaý tapsyryldy», – delingen habarlamada.