Bul júıe fermerler men jalpy memleket úshin oń áser etetin bolady.
Aýyl sharýashylyǵy taýaryn óndirýshilerdiń negizgi talaby - sýbsıdıalaý kólemine baılanysty abonenttik tólem túrinde alynatyn sýbsıdıalaý tetikterine qoljetimdilik úshin aqyny alyp tastaý bolyp otyr. Bul zańdy talap, dep habarlady Almaty-akshamy.kz.
«Qoldanystaǵy zańnamaǵa sáıkes, memlekettik qoldaý (sýbsıdıalaý) sharalary memlekettik qyzmetter bolyp tabylatyndyqtan tegin kórsetilýi kerek. Bul qyzmetterdi 200 myńnan astam agroqurylym alyp otyr», - delingen ASHM baspasóz qyzmetiniń habarlamasynda .
Pandemıanyń basynda aı saıynǵy tólemdi birjaqty kóterý kezeńinde fermerlerge sýbsıdıa alý tıimdi bolmady, óıtkeni tólem mólsheri sýbsıdıanyń kóp bóligin qurady nemese odan asyp túsetin.
Osyǵan baılanysty fermerlerge balama usyný maqsatynda 2021 jyldyń sońynan bastap Qazaqstan Respýblıkasynyń Aýyl sharýashylyǵy mınıstrligi «AÓK memlekettik sýbsıdıalaýdyń biryńǵaı aqparattyq júıesin» (MSBAJ) ázirlep jatyr.
Bul júıe fermerler men jalpy memleket úshin oń áser etetin bolady. Birinshiden, bul júıede AÓK sýbsıdıalaý boıynsha barlyq memlekettik qyzmetter elektrondyq formatta kórsetiledi. Ekinshiden, fermerler úshin sýbsıdıalaý qyzmetteri tegin bolmaq, ıaǵnı qosymsha aqy alynbaıdy.
Mal sharýashylyǵy, sondaı-aq ósimdik sharýashylyǵy, ınvestsýbsıdıalaý jáne basqa da baǵyttar boıynsha barlyq qyzmetter ár túrli aqparattyq júıelerde emes, biryńǵaı júıede kórsetiledi.
Sondaı-aq kórsetiletin qyzmetti alýshylardan (fermerlerden) sýbsıdıalardy alýdyń oryndylyǵyn rastaý úshin qosymsha anyqtamalardy talap etý qajettiligi joıylady, óıtkeni talap etiletin aqparat ıntegrasıa arqyly memlekettik aqparattyq júıelerden alynady dep kózdelip otyr. Qazirgi ýaqytta ótinim berilgen sátten bastap sýbsıdıa tólengenge deıin sýbsıdıalaý boıynsha kórsetiletin qyzmetterdi tehnıkalyq pysyqtaý aıaqtaldy. Sýbsıdıalardyń barlyq túrleri boıynsha avtomatty esep aıyrysýlardy pysyqtaý jumystary aıaqtalýǵa jaqyn (96 pasport). Avtoesepteý modýli ótinimdi qabyldaý kezeńinde qoldanystaǵy NQA sáıkes, adamı faktorsyz tıesili tólemdi esepteýge múmkindik beredi, - delingen aqparatta.
2022 jyldyń 1 shildesinde júıe iske qosylyp, aýyl sharýashylyǵy taýaryn óndirýshilerdi tirkeýge daıyn bolady. Qyzmet alýshylardyń ótinishi úshin biryńǵaı 1475 qysqa nómir ashyldy. Sondaı-aq paıdalanýshylarǵa yńǵaıly bolý úshin Telegramm-chat quryldy.
Sýbsıdıalaýdyń neǵurlym tıimdi tetikterin iske asyrý úshin MSBAJ -ny óndiristik qýatqa shyǵarý jónindegi jumys kórsetiletin qyzmetti berýshilermen (ákimdikter) jáne kórsetiletin qyzmetti alýshylarmen (fermerler) tyǵyz baılanysta jalǵasatyn bolady.
Júıe týraly tolyǵyraq búgin saǵat 20:30-da 24.kz telearnasynyń efırinde QR ASHM AÓK Memlekettik qyzmetterdi damytý jáne sıfrlandyrý departamentiniń bas sarapshysy Jaqsylyq Erkinbek egjeı-tegjeıli aıtyp beredi.