İs-sharaǵa 90-ǵa jýyq jumys berýshi qatysyp, 700 bos jumys orny usynyldy.
Almatynyń Medeý aýdanynda bos jumys oryndar jármeńkesi ótti, dep habarlaıdy Almaty-akshamy.kz Almaty.tv silteme jasap.
Respýblıka saraıynda ótken is-sharaǵa 90-ǵa jýyq jumys berýshi qatysyp, 700 bos jumys orny usynyldy. Jumyspen qamtý ortalyǵynyń qyzmetkerleri kelýshilerdiń suraqtaryna jaýap berdi. Uıymdastyrýshylardyń aıtýynsha, jumys izdep kelgen azamat kóp.
«Bos oryndar jármeńkesi bıyl úshinshi márte ótti. Búgingi jármeńke Almaty qalasy jumyspen qamtý ortalyǵymen birigip, uıymdastyryldy. Bizdiń Medeý aýdanynda qala boıynsha jumys izdep júrgen azamattardyń bárin shaqyrdyq. Qazir 700-ge jýyq bos jumys ornyn berip otyrmyz», – dedi Medeý aýdany ákiminiń orynbasary Aıdar Nurlybaev.
Aıta keteıik, jármeńkege probasıa qyzmetiniń esebinde turǵan azamattar da kelip, jumysqa joldama aldy. Búginde Medeý aýdany boıynsha 483 adam esepte tur.
«Jumyssyz júrgenime 40 jyl boldy. Jármeńkeden ózime jumys taptym. Aldymen Medeý aýdanynyń ákimdigine alǵys bildiremin. Endi jumysyma adal bolamyn dep oılaımyn. Bári tamasha»,– dedi jumys izdeýshi Evgenıı Smırnov.