Aýyl sharýashylyǵy mınıstriniń buıryǵymen bıylǵy jyldyń 8 sáýirinde Qazaqstan aýmaǵynan pıazdy áketýge salynǵan tyıym alyndy, dep habarlaıdy Almaty-akshamy.kz Azattyq Ruhy-na silteme jasap.
Bul rette, osy jyldyń 8 sáýirinen 28 sáýirine deıin buıryqpen respýblıka aýmaǵynan Eýrazıalyq ekonomıkalyq odaqtyń úshinshi elderi men memleketterine 20 myń tonna mólsherinde pıazdy (EAEO syrtqy ekonomıkalyq qyzmetiniń biryńǵaı taýar nomenklatýrasynyń kody 0703: 070310) áketýge sandyq shekteýler (kvotalar) engizildi.
«Kvotanyń búkil qoldanylý merzimi kezinde taýarlardy áketýge bir ótinish berýshi úshin ruqsat etilgen lımıt belgilenedi, ol jıyntyǵynda 500 tonnadan aspaıdy», - delingen ASHM habarlamasynda.
Qazaqstan aýmaǵynan taýarlardy áketýge arnalǵan kvotalar kólemin bólý Qazaqstan Respýblıkasy Aýyl sharýashylyǵy mınıstriniń 2015 jylǵy 29 maýsymdaǵy № 15-08/590 buıryǵymen bekitilgen Qazaqstan Respýblıkasynyń aýmaǵyn karantındik obektilerden jáne bóten tekti túrlerden qorǵaý jónindegi qaǵıdalarǵa sáıkes, fıtosanıtarıalyq sertıfıkattar berý kezinde BABJ AJ-da avtomatty túrde júzege asyrylady.