Almatyda dzúdodan ótken Azıa kýboginde el quramasy jalpy esepte birinshi orynǵa ıe boldy
Aıta keteıik, Beket Mahmutovty eske alýǵa arnalǵan dástúrli týrnır halyqaralyq dzúdo federasıasynyń kúntizbesine endi. Sáıkesinshe, jeńimpazdary men júldegerlerine reıtıńtik upaı beriledi, dep habarlaıdy Almaty-akshamy.kz 24.kz-ke silteme jasap.
Sondaqtan bıylǵy básekege 11 elden 700-ge jýyq sportshy jınaldy. Nátıjesinde ulttyq quramadaǵy jasóspirim qyz-jigitter 27 medal jeńip aldy. Onyń 9-y – altyn. Ásirese, Nurbol Asqar, Nurlan Isataev, Erkebulan Orynbaev, Edil Erboluly, Sherhan Alpanov jáne Dosbol Balǵabaılar qarsylas shaq keltirmedi. Qyzdar arasynda Zere Ótepqalı, Sáýlemaı Saǵıtjan jáne Gúldana Teńgelbaevalar jeńimpaz atandy. Osynyń arqasynda jalpykomandalyq esepte birinshi orynǵa turqatadyq. Úzdik úshtikti Ózbekstan men Mońǵolıa túıindedi.
Jastar arasyndaǵy kórsetkish te jaqsy. Jerlesterimiz 7 altyn, 6 kúmis, 14 qola medal jeńip alyp, jalpy esepte 1-shi oryn aldy. Aıta keteıik, Azıa kýbogy aıasynda tóreshilerge arnalǵan halyqaralyq semınar-emtıhan ótti. Nátıjesinde qazaqstandyq 3 maman, ıaǵnı Samat Sapıshev, Nıkolaı Ivanov jáne Asqat Jitkeev synaqtaryn sátti tapsyryp, halyqaralyq dárejedegi tóreshi atandy.